O`zbekiston Respublikasi Prezidentining 2018 yil 7 fevraldagi PQ-3514-sonli qaroriga muvofiq Toshkent shahridagi turizm tomosha ob`ektlariga olib boruvchi yo`llar bo`yida belgilangan standartlar asosida 2 xil tildagi (o`zbek va ingliz tillarida) turistik yo`l ko`rsatkichlari o`rnatilishining 2-bosqichi yakunlandi. Mazkur loyiha O`zbekiston Respublikasi Madaniyat vazirligi qoshidagi Madaniyat va san`atni rivojlantirish jamg`armasi hamda Toshkent shahar Turizmni rivojlantirish departamenti bilan hamkorlikda amalga oshirildi.
Yuqoridagi loyiha doirasida, Alisher Navoiy nomidagi Davlat akademik katta teatri, G`ofur G`ulom uy-muzeyi, Respublika qo`g`irchoq teatri, Sergey Esenin uy-muzeyi, Sergey Borodin uy-muzeyi, Muqimiy nomidagi O`zbekiston davlat musiqiy teatri, Abdulla Qaxxor uy-muzeyi, Yunus Rajabiy uy-muzeyi, O`zbekiston davlat Tabiat muzeyiga olib boruvchi yo`llar bo`yida ikkinchi bosqich natijasiga ko`ra jami 82 ta turistik yo`l belgilari o`rnatildi.
Shu kunga qadar umumiy soniga ko`ra 210 ta turistik yo`l ko`rsatgichlari o`rnatildi.
