Yangi Orleandagi otishma oqibatida kamida 16 kishi shifoxonaga joylashtirilgan. Bu haqda “Lenta.ru” xabar bermoqda.
Hodisa 22 noyabr, yakshanba kuni kechqurun Bunny Friend madaniyat va istirohat bog`i yaqinida yuz bergan. Bog` yaqinida joylashgan maydonchada 500 kishi to`plangan bo`lib, musiqiy videoklip suratga olinayotgan edi. Bundan sal avval hududga yaqin joyda cholg`u orkestrining 9 Times Second Line Parade paradi o`tkazilgan edi.
Guvohlarning so`zlariga ko`ra, ikki nafar qurollangan noma`lum shaxs qo`qqisdan odamlarga qarata o`q uza boshlagan.
Otishma natijasida jarohatlanganlar shifoxonaga etkazilgan.
