Jahonning yuzlab olimlari Jahon Sog`liqni Saqlash tashkilotini koronavirus profilaktikasi bo`yicha tavsiyalarni qayta ko`rib chiqishga chaqirmoqdalar. Mutaxassislarning aytishicha, ularda virusning insondan insonga yuqishi bo`yicha yangi dalillar mavjud.
Jumladan, olimlarning fikricha, SOVID-19 havodagi mayda zarralar orqali insonga yuqishi mumkin, hamda yopiq xona ichida ushbu zarralar bemalol harakatlanishi mumkin.
Bugungi kungacha JSST koronavirus insonga nafas olish yo`llaridan aks urganda, yoki yo`talganda ajraladigan yirik tomchilar orqali yuqadi degan hulosani aytib kelmoqda edi.
Jahonning 32 davlatidan 239 nafar mutaxassis esa ochiq xat orqali JSSTdan o`z tavsiyalarini qayta ko`rib chiqishni talab qilmoqdalar.
Tashkilot vakillar maktubni o`rganib chiqayotganliklarini ma`lum qildilar. Shunga qaramay, ulardan ba`zilari olimlarning xavotirlari asossiz ekanligini yozmoqdalar.