Samarqand viloyati Urgut tumani yashovchi 61 yoshli O.N. joriy yil 27 iyun kuni koronavirusga chalingan bemor bilan birlamchi muloqotda bo`lganligi sababli viloyat yuqumli kasalliklar shifoxonasiga yotqizilgan va davo muolajalari boshlangan.
Unga “COVID-19” infeksiyasi og`ir kechishi tashxisi qo`yilgan. Kasallik ikki tomonlama pnevmoniya, o`tkir nafas etishmovchiligining 3-darajasi asorati bilan kechgan. Bemor bundan avval surunkali buyrak etishmovchiligi, gipertoniya kasalligi, yurak ishemik kasalligi, o`tkir miokard infarkti bilan ham og`rigan.
Bemorning davolanishi davomida kunlik ahvoli Sog`liqni saqlash vazirligi, Samarqand davlat tibbiyot instituti mutaxassislari tomonidan onlayn konsultasiyalar o`tkazilib, doimiy nazoratga olingan.
Biroq Sog`liqni saqlash vazirligi Jamoatchilik bilan aloqalar bo`limining xabar berishicha shifokorlarning standartlar asosida o`tkazgan tezkor reanimasion muolajalariga qaramasdan bemor o`tkir nafas va o`tkir yurak qon-tomir etishmovchiligidan vafot etdi.
