O`zbekiston iste`molchilar huquqlarini himoya qilish jamiyatlari federasiyasi ishonch telefoniga Navoiy viloyatining Qiziltepa tumani “Azizabot” MFY, Barishom qishlog`i 272-uyda istiqomat qiluvchi Ochilov Bobur Bahodirovich tomonidan murojaat yo`llagan. Bu haqda federasiya Matbuot xizmati xabar bermoqda.
Unda aytilishicha, 2020 yil may oyida Qiziltepa tumani “Yangi asr” fermer xo`jaligidan tadbirkorlik qilish maqsadida bank krediti asosida 25 000 000 so`mga nasilli sigir harid qiladi. Kelishuvga ko`ra “sog`in sigir” kuniga 7-8 litrdan ortiq sut berishi lozim edi. Ammo natija unday bo`lmaydi. Tadbirkor B. Ochilov nasilli sigirni almashtirish maqsadida “Yangi asr” fermer xo`jaligiga borib murojaat qilganida sigirni boshqasiga almashtirib berishmaydi.
Iste`molchi murojaatiga asosan Qiziltepa tuman Iste`molchilar huquqlarini himoya qilish jamiyati mutaxassislari o`rganish ishlari olib borishdi hamda Qiziltepa “Yangi asr” fermer xo`jaligi tomonidan iste`molchi B.Ochilovga kuniga 30 litr sut beradigan nasilli sigirga almashtirib berildi.