SSVning xabar berishicha, koronavirusga chalingan yana bir bemor vafot etdi.
Surxondaryo viloyati Termiz shahrida yashovchi 67 yoshli R.A. (erkak kishi) joriy yil 3 iyul kuni o`zini yomon his qilgan, nafas yo`llarida yallig`lanish bo`lgan. 4 iyul kuni “COVID-19” infeksiyasiga namuna topshirgan va shifoxonaga yotqizilgan.
Unga “COVID-19” infeksiyasiga gumon, miokard infarkti, o`tkir yurak qon-tomir va nafas etishmovchiligi tashxisi qo`yilgan. Shuningdek, ikki tomonlama pnevmoniya, o`tkir yurak ishemik kasalligi, zo`riqish stenokardiyasi, surunkali yurak etishmovchiligi, qandli diabet kabi hamroh kasalliklar bilan ham og`rigan.
Shifoxonada bemorning davolanishi davomida shifokorlar tomonidan konsultasiya qilingan, davolash jarayoni mutaxassislar tavsiyasi asosida olib borilgan.
Biroq shifokorlar tomonidan standartlar asosida o`tkazilgan reanimasion muolajalarga qaramasdan bemorning ahvoli keskin og`irlashib, miokard infarkti, o`tkir yurak qon-tomir va nafas etishmovchiligidan vafot etdi.
