Prezident Shavkat Mirziyoev pandemiyaga qarshi kurash ishlarining tanqidiy tahliliga bag`ishlagan yig`ilish davom etmoqda.
Unda davlat rahbari, Toshkent shahri va poytaxt viloyatida pandemiya bilan bog`liq holat hamda uni barqarorlashtirish bo`yicha chora-tadbirlarga alohida to`xtaldi.
Tadbir ishtirokchilariga murojaat qilar ekan, Prezidentimiz pandemiya bilan bog`liq vaziyat murakkabligicha qolayotganini aytdi. Jumladan, oxirgi to`rt kunda mamlakat bo`yicha yangi aniqlangan 2 136 nafar bemorning 1 218 tasi (ya`ni, 57 foizi) poytaxtimiz va Toshkent viloyatiga to`g`ri keladi.
Koronavirusga shubha bo`lgan barcha bemorlarni infeksiya mavjudligini tasdiqlovchi hujjatlarsiz, zotiljam va nafas etishmovchiligining klinik belgilari mavjudligiga asoslangan holda davolash muassasalariga qabul qilinishi belgilandi.
