Rossiyaning Irkutsk shahri shifoxonasida ko`p qavatli uyning sakkizinchi qavatidan tashlab yuborilgan to`rt yoshli bola vafot etdi, deb xabar beradi “TASS” .
Irkutsk shahrida yashovchi ayol juma kuni ikki va to`rt yoshli farzandlarini sakkizinchi qavatdan tashlab yuborgan, so`ng o`zi ham sakragan.
Rossiya sog`liqni saqlash vazirligi vakilining so`zlariga ko`ra, to`rt yoshli bola besh kun mobaynida shifoxonaning jonlantirish bo`limida sun`iy nafas olish apparati yordamida yashagan. U bosh miyasidan olgan og`ir jarohati oqibatida halok bo`lgan.
Ayolning o`zi voqea joyida halok bo`lgan. Bolalar tezda shifoxonaga etkazilgan. Ikki yoshli bola olgan jarohatlari og`irligi bois o`sha kuniyoq shifoxonada vafot etgan.
Ayolning o`z joniga nima sababdan qasd qilgani hozircha no`malum. U ruhiy kasalliklar shifoxonasida ro`yxatda turmagan. Ayolning halok bo`lganiga qaramay yosh bolalar hayotiga qasd qilganligi uchun unga nisbatan jinoiy ish qo`zg`atilgan.
Ma`lumotlarga ko`ra, halok bo`lgan ayol bir necha kun avval ikkinchi farzandi bronxit bilan og`rigani uchun shifoxonada davolangan.
Ayolning turmush o`rtog`i oilada fojeaga sabab bo`luvchi holat bo`lmaganini va xotinining qilmishidan hayratda ekanligini bildirgan.
