АОКАда ўтказилган брифингда иштирок этган Коронавирусга қарши кураш штаби аъзоси Барно Абдусаматованинг таъкидлашича, коронавирус инфекциясини энг кўп тарқалган симптомларидан бири иситма - 88 % беморда кузатилади. Шунингдек, қуруқ йўтал - 68%; лоҳаслик - 38%; йўталда балғам ажралиши - 33%; нафас қисиши - 18%; томоқ оғриши - 14%; бош оғриғи - 14%; мушакларда оғриқ - 14%; қалтираш - 11%ни ташкил этади.
Камдан-кам ҳолатларда кўнгил айниши ва қусиш (5%), бурун битиши (5%) ва диарея (4%) кузатилади. Тумов COVID-19 аломати ҳисобланмайди.
