“Менинг юртим” телеканали орқали намойиш этилаётган “Муҳаббат тафти” сериалининг мухлислари кундан кунга кўпайиб бормоқда. Биз эса сериал қаҳрамонлари билан сизларни таништиришда давом этамиз.
Актёрлар ҳақида
Сана Хон
Ушбу сериалда Лаванья Кашьяп ролини Сана Хон ижро этган.
Сана Хон 1993 йил 13 июнь куни Мумбайда таваллуд топган.
Лаванья Кашьяп Арнав Сингх Райзодани севади, у учун жонини беришга ҳам тайёр. Арнавнинг қариндошларининг илтимосига кўра Кхуши Лаваньяга миллий анъаналарни ўргата бошлайди. Кхушининг таъсири остида Лаванья оила муқаддаслигини тушуниб етади. Кейинчалик Арнав уни севмаслигини тушуниб етгач, ундан воз кечади.
Карьерасининг аввалида Сана модель бўлиб ишлаган, режиссёрларнинг назарига тушгач, Санани телевидениега эпизод ролларга таклиф этишади. Бир неча сериалларда иштирок этгач, Санага “Муҳаббат тафти” сериалидан таклиф тушади. Сана ушбу сериалда бор-йўғи етти ой фаолият юритди..
Қизиқарли фактлар
Кхуши ва Арнавнинг тўйи бўлаётган саҳна кўринишида актриса Санайянинг ўрнига бошқа актриса роль ўйнаган. Чунки ўша пайтда актриса бетоб бўлган.
Сериалда айрим камчиликлар ҳам кўзга ташланади. Масалан, Арнавнинг хонасидаги жиҳозлар ўрни тез-тез ўзгариб қолади.
Сериал охирлаб қолганда, Арнав роли ижрочиси ишни ташлаб кетишга қарор қилади. Актёр бирйўла тўрт-беш лойиҳада фаолият юритгани учун қаттиқ толиқади ва кўпроқ вақтини оиласи билан ўтказишга қарор қилади. Шундан кейин Арнав ролига актёр Вираф Фирўз Пател тасдиқланади. Лекин мухлислар сериалнинг бош қаҳрамони ўзгаришига қаттиқ қаршилик кўрсатишади.
Воқеалар ривожи
Анжали Кхушидан Лаваньяни уйга олиб бориб қўйишни илтимос қилади. Лекин Кхуши у ерда Арнав борлигини билгани учун илтимосни рад этади. Анжали Кхушига “агар шартномани бекор қилсанг, бунинг учун жарима тўлайсан” дейди.
Шьям Кхушини Анжилининг таклифига қарши қайрайди. Нани эса у уйда Лаваньяга қарши Кхушига ўхшаган қизни кўришни истайди. Лаванья эса Кхушини бу уйда кўришни истамайди ва кетишга қарор қилади.
Кхуши Нанига Лаваньяни рўзғор ишларини бажаришни ўргатааётганини айтади.У Лаваньяга чой дамлашни ва таом тайёрлашни ўргатади. Анжали уларга биргаликда кечки таом тайёрлашни буюради. Лекин бемаврид келиб қолган Арнав Кхушини ошхонада кўриб ҳозироқ чиқиб кетишни талаб қилади.
Кхушини уйга Анжали таклиф қилганини билган Арнав уни ҳам койийди. Анжали аразлаб кетиб қолади. Уни ибодатхонадан топган Арнав қўполлиги учун узр сўрайди. У бўлиб ўтган воқеаларда Кхушини айблайди.
Арнав Лаваньяга ёки уйни ёки ишни танлайсан деб шарт қўяди. Шьям ҳар қанча ҳаракат қилмасин Кхушини Райзодалар оиласига қарши қўя олмайди. Шьям ўзини Анжали ва унинг оиласига яхши кўрсатади.
Кхуши Кришна тарихини гапириб берганда ҳамма лол бўлади фақат Арнав унинг устидан кулади. Фақат Нани унинг ёнини олади. Нани Кхушининг оиласини Пуджа байрамига таклиф қилади лекин Лаванья бунинг олдини олишга киришади.
Полиция келиб Лаванья қўнғироқ қилганини ва Кхушининг ўтмишини суриштиришни талаб қилганини айтганда ҳамма ҳайратдан қотиб қолади.
Тазйиқларга қарамай Кхуши ишини давом эттиришга қарор қилади.
Акаш Буа ва Пайялни Пуджадан сўнг уйига олиб бориб қўяди. Кхуши эса қолади. Нани Арнавдан Кхушини элтиб қўйишни сўрайди.. Йўлда улар уришиб қолишади ва Арнав уни ярим йўлда ташлаб кетади.
Кейинроқ у қайтиб келади лекин Кхуши билан кетишга кўнмайди. У уйга Арнав ва Лаваньянинг қилиқларидан эзилиб, чарчаб кириб келади.
Пайялнинг Кхушига раҳми келади у қизга Арнав ҳақида турли қизиқарли воқеаларни гапириб, кўнглини кўтаришга ҳаракат қилади.
Шьям Кхушини ўғриликда айблаш учун Анжалининг қимматбаҳо тақинчоғини ўғирлайди. Арнав Кхушига бақираётганда Анжали барча айбни ўз бўйнига олади.
