Бугун Испания чемпионати 31-тур марказий ўйинида “Реал” сафарда “Барселона”га қарши баҳс олиб боради.
“Эл-Классико” дея ном олган ушбу учрашув ҳақида қизиқарли маълумотлар беришда давом этамиз.
“Реал” ҳужумчиси Криштиану Роналду ва “Барселона” етакчиси Лео Месси ўзаро “Эл-Классико”ларда қанча гол киритгани Сизни қизиқтирса, қуйидаги маълумотлар Сизга манзур бўлади.
2009 йилдан буён, яъни Роналду “Реал” аъзоси бўлганидан сўнг азалий рақиблар жами 24 маротаба “Эл-Классико”да рўбарў келишган. Ушбу ўйинлада Месси 15 бор рақиб дарвозасини ишғол қилиб, 10 маротаба ассистентлик қилган. Роналду ҳисобида 15 гол ва 2 ассистентлик мавжуд. Демак, уларнинг урган голлари сони бир хил.
Шу ўринда таъкилдаш керакки, Лионель Месси ўз фаолиятида жами 31 та “Эл-Классико”да иштирок этиб, 21 та гол киритишга муваффақ бўлган.
Эслатиб ўтамиз, Испания чемпионати доирасидаги “Барселона” - “Реал Мадрид” учрашуви бугун, 2 апрель куни соат 23:30 да бўлиб ўтади.
