Чиройли суратга тушишнинг 14 сири

СУҒДИЁНА 08.04.2016, 13:46
Теглар: Фото, Аёл, ТОП
Чиройли суратга тушишнинг 14 сири

Баъзи бир аёллар ўзларининг ташқи қиёфасини хунук ва суратбоп ҳисоблашмайди. Инсон қўллари бирор ишни бажариш, кўзлар кўриш, оёқлар юриш учун, инсон танаси эса буларнинг барини бошқариш учун хизмат қилар экан, қолган нарсаларни кийим ва гавдани чиройли тутган ҳолда беркитиб, муваффақиятли равишда суратга тушиш мумкин. 

“AdMe.ru” нашри дунёда хунук аёллар бўлмаслигини, ҳар бир аёл ўзига хослигини, агар ўзлари хоҳлашса ҳар қандай киноюлдузни доғда қолдириши мумкинлигини исботлаш мақсадида қуйидаги маслаҳатларни эътиборингизга ҳавола этмоқда!

1. Қўл кафтларини орқага беркитганча белни ушлаб туриш, биринчидан гавдани катта кўрсатса, иккинчидан жаҳлдор кўрсатади. Қўл бармоқларини олдинга чиқариб, чиройли маникюр қилинган тирноқларингизни намойиш қилсангиз, жаҳлдорлик ўрнини сирлилик эгаллайди.

2. Белингизни куч билан, қисиб ушламанг. Кийимлар ғижимланиб, хунук кўринади.

3. Қўлларнинг ҳолатига эътибор беринг, у табиий кўринишга эга бўлиши керак. Кафтингизни, тирсагингизни камера томонга тўғриламанг, улар эркин ҳолатда бўлиши лозим.

4.Қўлларингиз билан ёноғингизни ушлаб расмга тушмоқчи бўлсангиз, бармоқларингизни юзингизга қаттиқ ботирманг. Бўлмаса, бу ҳолатингиз тиши оғриётган одамни эслатиши мумкин.

5. Қўллар эркин ҳолатда туриши керак, дегани унинг тана бўйлаб осилиб туриши керак дегани эмас. Бир қўлингизни оҳиста белингизга қўйиб, бошингизни ён томонга сал қийшайтиринг. Бу ҳолатда қадди-қоматингизнинг ва юзингизнинг чиройига урғу берган бўласиз.

6. Камерага кўзингизни лўқ қилиб, тикилманг. Хумор кўзлар ва чиройли лабларни ифодалаш учун бошингизни сал ёнга қийшайтиринг, қўлингизни юзингизга теккизиб, салгина оғзингизни очинг. Тирсагингизни камерага тўғриламасликка ҳаракат қилинг.

7. Кадрда кўзларингизни қисиб олманг. Кўзингизнинг табиийлиги энг чиройли ҳолатдир.

8. Кафтингиз билан юзингизни тўсманг. Яхшиси ўнг томонда кўрсатилган ҳолатда суратга тушинг.

9. Агар қадди-қоматингизга урғу бермоқчи бўлсангиз, қўлингизни қорнингизга эмас, белингизга қўйинг. Ёпиқ ҳолатда туширилган сурат ёқимсиз кўриниш ҳосил қилади.

10. Зимдан, хўмрайиб тикилиш лабларни қалин кўрсатиб, душманона қарашни юзага келтиради. Яхшиси, тўғрига қаранг, гавдангизни қиялатиб, қўлларингизни юқорига кўтаринг.

11. Мабодо бўйнига устма-уст халқа илиб олган Африка қабилаларидан бирининг бошлиғи рафиқаси бўлмасангиз, бурнингизни бунчалик осмонга кўтарманг.

12. Қўллар ҳар доим эркин ва бўшашган ҳолатда бўлиши лозим. Бунинг сабабини билишни истасангиз, икки суратдаги ҳолатни таққослаб кўринг.

13. Съёмка жараёнида тиззангизни букиб, сохта ҳаракатлар билан бўйингизни пасайтирманг. Бундай ҳолат нотабиий ва хунук чиқади.

14. Кадр кўнгилдагидай чиқиши учун яна бир маслаҳат, расмга тушаётганда танангиз лотинча S ҳарфини ёдга солиши лозим. Гавдангизнинг оғирлигини бир оёғингизга ташлаб, қўлингизни эркин қўйинг ва иягингизни озгина кўтаринг.

Шарҳлар

Педагогларни 3 йил куттирган қонундан қайси имтиёзлар “тушиб” қолган?

21.02.2024, 17:28

Хабарингиз бор, 2024 йил 1 февраль куни “Педагогнинг мақоми тўғрисида”ги Қонун имзоланди. Ундаги педагоглар учун энг асосий ўзгаришлардан бири – энди мактабга янги ишга кирган...
⚡️iPhone 16 кўриниши эълон қилинди

13.02.2024, 09:36

Твиттерда Majin Bu тахаллуси остида яширинган таниқли Apple инсайдери янги авлод iPhoneлари ҳақида янги маълумотлар билан бўлишди. Инсайдер хабаридан маълум бўлишича, компания бир вақтнинг ўзида...
Вайрон бўлган уйлар, жароҳат олган одамлар ва уларга ёрдам бераётган ходимлар… Сергелида отган машъум тонг (фотожамланма)

29.09.2023, 00:10

Бугун, 28 сентябрь куни соат 02:43 да Тошкент шаҳар Сергели тумани "Қурувчилар" даҳасида жойлашган омборхоналарнинг бирида кучли чақнаш оқибатида ёнғин содир бўлгани ҳақида хабар берган...
Биринчи қор оғушидаги Тошкент (фоторепортаж)

05.12.2022, 20:26

"Ўзгидромет" башорат қилганидек, Ўзбекистонда қиш 1 декабрдан кириб келди. Дам олиш кунлари республикада ҳаво ҳарорати кескин тушиб, Нукусда -17 даражани, куни кеча Навоий вилоятида эса...
Об-ҳаво: Тошкент
Валюта курси
1