“Барселона” клуби Испания чемпионатининг 33-турида ”Камп Ноу” стадионида “Валенсия”га 1:2 ҳисобида ютқазиб қўйди.
Каталонияликлар 2003 йилнинг феврал ойидан буён Ла Лигада кетма-кет учта ўйинда ютқазди. Чемпионлар лигасини ҳам инобатга оладиган бўлсак, “кўк-анор ранглилар“ сўнгги беш ўйиндан тўрттасида мағлуб бўлди ва яна биттасида дуранг қайд этди.
“Барселона” Испания чемпионатида 76 очко билан ҳамон пешқадамлик қилаётган бўлса-да, “Атлетико” ушбу турдан ғалаба қозониб, азалий рақибига етиб олди. “Реал Мадрид” 75 очко билан учинчи ўринда бормоқда.