Ижтимоий тармоқларда Тошкент шаҳри Фарҳод бозори чорраҳасидаги ишламаётган светофорлар туфайли юзага келган тирбандликни бартараф этган ва автомобиллар ҳаракатини кўнгилли равишда тартибга солган йигитнинг видеолари тарқалди. Йигитнинг хатти-ҳаракатлари интернет фойдаланувчиларининг мақтовларига сазовор бўлди.
Видеода ёш йигитнинг чорраҳа марказига чиқиб олиб, қўллари ёрдамида автомобиллар ҳаракатини тартибга солаётгани акс этган.
Гувоҳларнинг маълум қилишича, мазкур чорраҳада светофор деярли ярим кун ишламаган.
