“Ўзтрансгаз” АЖ ва “Газпромбанк” АЖ ўртасида 57,5 млн $га тенг кредит шартномаси имзоланади.
Бу ҳақда Sputnik Ўзбекистон Молия вазирлигининг Ягона корпоратив ахборот порталига таяниб маълум қилди.
Таъкидланишича, ажратилган маблағлар жорий мажбуриятларни қайта молиялаштиришга сарфланади.
Хабарда “Ўзтрансгаз” АЖ ўтган йили Россиянинг “Газпромбанк” томонидан ажратилган 300 млн $ миқдоридаги кредит муддатини узайтираётганлиги, шу билан бирга, жорий мажбуриятларни қайта молиялаштириш мақсадида 2 йил муддатга 57,5 млн $ қўшимча қарз жалб этгани айтилган.
