Тошкентнинг Самарқанд дарвоза ва Қоратош кўчалари кесишмасидаги чорраҳада йўл таъмирлаш ишлари олиб борилиши муносабати билан айрим кўчаларда автомобиллар ҳаракати чекланади. Бу ҳақда шаҳар ҳокимлиги матбуот хизмати хабар берди.
Маълум қилинишича, 21 майдан бошлаб мазкур чорраҳа ва унга олиб келувчи Самарқанд дарвоза, Кўкча давоза, Қоратош кўчаларида босқичма-босқич таъмирлаш ишлари олиб борилади.
“Иш жараёнида йўл ёпилмайди, балки кўчаларда автотранспорт ҳаракати қисман чекланади”, — дейилади хабарда.
