Абитуриентлар диққатига муҳим янгилик эълон қилинди.
Президент таълим муассасалари агентлиги тизимидаги Янги Ўзбекистон университетида ўқиш истагини билдирганларнинг талаб ва истакларини инобатга олган ҳолда қабул жараёнлари муддати узайтирилди.
Таъкидланишича, ҳужжатлар қабули шу йилнинг 30 июнь кунига қадар давом этади.
Шунингдек, абитуриентлардан қуйидаги ҳужжатлар талаб қилинади:
- Паспорт ёки ID карта электрон нусхаси;
- Умумий ўрта таълимни битирганлиги тўғрисидаги шаҳодатнома ёки коллеж / литсейц дипломи (агар абитуриент ҳали ушбу ҳужжатни олмаган бўлса, ўрта таълим муассасасини битирувчиси эканлиги ҳақида маълумотнома);
- IELTS 5.5 (Саноат бошқаруви йўналиши учун 6.0) ёки;
- TOEFL iBT 46(Саноат бошқаруви йўналиши учун 60) ва ундан юқори баллни кўрсатувчи оригинал сертификатининг электрон нусхаси (ушбу сертификат ҳақиқий эканлиги текширилади);
- Охирги 3 ой ичида олинган 3*4 расм;
Эслатиб ўтамиз, аризалар махсус сайт орқали қабул қилинади.
