– Кейинги пайтларда бош терим ва сочим жуда ёғлашиб кетаяпти. Шампунь билан ювганимдан кейин бир соат ўтар – ўтмас яна ёғлашиб қолади. Бундай бўлмаслиги учун нима қилишни маслаҳат берасиз?
Шуҳрат Камолиддинов, Самарқанд шаҳри
Саволга шифокор - трихолог Шерзод МАХМУДОВ жавоб беради:
– Сўзларингизга қараганда сизда себорея, ёғ бези секрециясининг бузилиши кузатиляпти. Бу ҳолатда сочни ҳар куни ювиш ўринсиз. Аксинча 3-4 кунда бир марта шампунь ёки бошқа соч ювиш воситаларидан фойдаланинг-да, ҳар кунлик учун эса оддий сувда чайининг. Шу билан бирга таомномадан ёғли маҳсулотлар, дуккакли ўсимликлар ва газли ичимликларни ҳам чеклаш керак. Гастроэнтеролог кўригидан ўтиш ҳам фойдадан холи бўлмайди.
