23 октябрь куни соат 09:08 да Тошкент шаҳар Чилонзор тумани Чорбоғ кўчасида жойлашган омборхонада ёнғин содир бўлаётганлиги тўғрисида шаҳар ФВБга хабар келиб тушган.
Шунга кўра 4 та ёнғин-қутқарув экипажи 09:16 да воқеа жойига етиб борган ва ёнғин соат 09:22 да бартараф этилган.
Ёнғин натижасида омборхонанинг очиқ ҳудудида тахминан 150 кв.м майдондаги маҳсулотлари ёниб зарарланган.
Ҳодиса оқибатида тан жароҳати олган ва ҳалок бўлганлар йўқ.
Ҳозирда ёнғинни келиб чиқиш сабаби ўрганилмоқда.
