Қурилмадаги носозлик дор йўлининг тўхташига сабаб бўлган

Ижтимоий тармоқларда " Амирсой" ҳудудида электр энергиясида узилиш бўлгани ҳақида маълумот тарқалди. Энергетика вазирлиги тушунтириш берди.

Маълум қилинишича, оромгоҳга ҳудудий электр тармоқлари корхонаси томонидан электр энергияси узлуксиз етказиб берилган.

Дор йўлининг электр қурилмасида носозлик юзага келган ва оромгоҳда электр таъминоти ўчиб қолган. 

Олинган маълумотларга кўра, ҳозирги пайтда ушбу носозлик оромгоҳ масъуллари томонидан бартараф этилиб, дор йўли қайта ишга қўйилган.