Бош прокуратура ҳузуридаги Департаментнинг Бухоро вилоят бошқармаси томонидан ИИБ ва Миллий гвардия ходимлари билан ҳамкорликда ўтказилган тезкор тадбирда валюта айирбошлаш билан шуғулланиб келган Д.А. (муқаддам ЖКнинг 177-моддаси билан судланган) жами 4 700 АҚШ долларини фуқаро О.С.га 54,7 млн сўмга сотган вақтида ашёвий далиллар билан ушланган.
Шу каби, Департаментнинг Гурлан туман бўлими томонидан ўтказилган тезкор тадбирда валюта айирбошлаш билан шуғулланиб келган Ғ.А. жами 4 000 АҚШ долларини фуқаро У.А.дан 46,2 млн сўмга сотиб олган вақтида ашёвий далиллар билан ушланган.
Худди шундай, Департаментнинг Янгиариқ туман бўлими томонидан ДХХ ходимлари билан ҳамкорликда ўтказилган тезкор тадбирда, валюта айирбошлаш билан шуғулланиб келган С.С. жами 3 500 АҚШ долларини фуқаро Р.М.га 40,6 млн сўмга сотган вақтида ашёвий далиллар билан ушланган.
Департаментнинг Қўнғирот тумани бўлими томонидан ўтказилган тезкор тадбирда эса, валюта айирбошлаш билан шуғулланиб келган Б.А. (муқаддам ЖКнинг 177-моддаси билан судланган) ва А.Д. жами 3 300 АҚШ долларини фуқаро С.А.дан 38,1 млн сўмга сотиб олган вақтида ушланиб, уларнинг ёнидан 250 АҚШ доллари, 81 500 қозоқ тенгеси ва 50,7 млн сўм ашёвий далил сифатида олинган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
19.07.2023 05:19
Тўртта ҳудудда валюталарнинг ноқонуний муомалага киритилишининг олди олинди
