«Ҳар бир оила фарзанд кўришга ҳақли!» Мазкур ибора ҳақиқатга айланиши учун замонавий тиббиёт соҳасида бир қатор ишлар амалга оширилаётгани сир эмас. Афсуски, шунда ҳам бепуштликка тахмин қилинаётган жуфтликлар сони камаяётгани йўқ. Хусусан, эркаклар саломатлигидаги айрим муаммолар фарзанд кўришга монелик қилиши тез-тез тилга олинмоқда. Хўш, аслида эркаклардаги бепуштлик ташхиси қандай асосланади ва бу ҳолатда эркакнинг насл қолдириш имконияти борми? Шу каби саволлар билан Республика ихтисослаштирилган Урология маркази олий тоифали шифокори андролог-уролог Абуқодир Фозиловга мурожаат қилдик.
Насл қолдириш борасида муаммолар борлигини шифокор кўригидан аввал ҳам билиш мумкинми?
— Оила қургач, бир йил давомида фарзандли бўлолмаётган жуфтликларда насл қолдириш хусусияти билан боғлиқ муаммолар борлиги тахмин қилинади. Аммо бу тахмин холос. Аниқ маълумот қатор текширувлардан сўнг айтилиши мумкин. Агар эркак яқинлик вақтида безовталик ёки жинсий аъзоларда бирор ўзгариш сезса ва аёлда бир йил давомида ҳомиладорлик юзага келмаса, мутахассисга кўрингани маъқул. Бундай вақтларда биринчи текширув уролог ҳузурида амалга оширилади.
Эркаклардаги бепуштликнинг сабаблари қандай?
— Эркакларда тўғридан-тўғри насл қолдириш хусусиятига таъсир этувчи сабаблар қуйидагилар бўлиши мумкин. Булар:
Таҳлиллар нималардан иборат?
— Бепуштликка тахмин қилинаётган эркак учун бирламчи текширув усули, бу — сперма таҳлили. Текширув давомида сперма таркибидаги сперматазоидлар сони, фаоллик даражаси камлиги ёки шаклининг ўзгариши аниқланса, қайта текширув тайинланади. Агар такрорийсида ҳам аввалгисидек натижа бўлса, қўшимча текширув белгиланади.
Бирламчи текширувда сперматазоидлар миқдори, ҳаракатчанлиги, шакли ва тириклиги текширилади.
Иккиламчи текширувда қон таркибидаги гормонлар миқдори, сперматазоидлар ҳаракатчанлиги, иммунологик текширув, уруғ ўтказиш йўлининг очиқлиги ва УТТ амалга оширилади.
Зарур ҳолларда шифокор томонидан эркак спермасининг қўшимча таҳлили ҳамда ёрғоқ биопсияси ўтказилиши мумкин.
Текширувдан аввал беморга қандай кўрсатмалар берилади?
— Таҳлил натижаси ишончли ва керакли маълумотлар олиш имконини бериши учун текширувдан аввал қуйидагича тайёрланиш тавсия этилади:
Репродуктив тизимга салбий таъсир этиши мумкин бўлган қандай ҳолатлар бор?
— Аксарият ҳолларда эркаклардаги репродуктив тизим фаолиятининг меъёрда бўлмаслиги эркак уруғининг зарарланиши ва сифатининг бузилиши билан баҳоланади. Мисол тариқасида бир неча ҳаётий омилларни келтириш мумкин. Булар:
Жинсий аъзолардаги туғма нуқсонлар насл қолдиришга монеълик қилиши мумкинми?
— Эркаклар жинсий аъзоларидаги туғма нуқсонли хасталиклар сифатида қуйидаги ҳолатлар қайд этилади:
Уруғ йўлининг бўлмаслиги. Бунда сперматазоид ҳаракатланиши учун керакли шароит бўлмай, уруғлантириш юз бермайди. Бу ҳолатда насл қолдириш хусусиятини тиклаш учун жарроҳлик аралашуви талаб қилинади.
Клайфентлер синдроми — генетик ноқислик бўлиб, қўшимча Х хромосома миқдори билан характерланади. Касалликнинг кенг тарқалган кўриниши эякулятда сперматазоидлар миқдорининг камайиши ёки умуман бўлмаслигидир. Клайфелтер синдроми аниқланганда генетик мутахассис билан маслаҳатлашиш тавсия этилади. Касаллик болага отаси томонидан ўтади. Бу синдромда фарзандли бўлиш имконияти ҳар доим ҳам кутилганидек бўлавермайди.
Крипторхизм — ёрғоқда битта ёки иккала моякнинг бўлмаслиги. Агар янги туғилган ўғил боланинг мояклари бир йил ичида ёрғоққа тушмаса, келгусида насл қолдириш билан боғлиқ муаммолар юзага келиши мумкин. Паталогия аниқланганда эса боланинг 4 ёшигача давомли муолажа олиб борилса, яхши натижага эришиш мумкин.
Эркаклар бепуштлигида ёш кўрсаткичининг ўрни қандай?
— Маълумки, аёлнинг биринчи фарзанд кўриши 35 ёш ва ундан юқорисига тўғри келса, ҳомиладорлик оғир кечиши мумкинлигини ҳисобга олиб, ёшга доир меъёрлар келтирилади. Аммо эркакларда ёшга доир чекловлар йўқ. Аммо эркакнинг ёши катталашгани сари соғлом насл қолдириш хусусияти ҳам заифлашиб бориши мумкин. Бироқ организмнинг индивидуал кўриниши ва иммунитетининг мустаҳкамлигига кўра маълум ёш белгиланмаган.
ЭКУ ва инсеминация усуллари ҳақида кўп гапирилаяпти. Ҳақиқатан ҳам бу усуллар эркаклардаги бепуштликда самаралими?
— Мазкур усулларга мурожаат қилишдан аввал эркакнинг умумий ҳолати, белгиланган таҳлиллар натижаси ўрганилади. Аниқланган ҳолатлар юзасидан керакли муолажалар, зарур ҳолларда жарроҳлик аралашувлари ўтказилади. Даволаш ишлари якунлангач, маълум муддат натижаси кузатилади. Ҳеч қандай ўзгариш бўлмаса, қайта текширув ўтказилиб, шунга кўра сунъий инсеминация ёки ЭКУ усуллари тавсия қилиниши мумкин. Тиббиётда бу усуллар 100 фоиз ишончли дея кафолатланмайди.
Бепуштлик муаммоси эркакнинг қаддини букиши рост. Ҳатто баъзида кучли эмоционал ўзгаришларни ҳам келтириб чиқаради...
— Ҳа, рост. Аёл фарзандли бўлиши учун умидини сўндирмаса-да, эркак учун бу жиддий эмоционал зарба. Бу вақтда эркакда ўзига нисбатан ишончсизлик, асабийлик, атрофидаги ҳолатларга нисбатан бефарқлик, ўз қобиғига ўралиб қолиш каби ҳолатлар кузатилиши мумкин. Вазиятни назорат қилиш ва олға интилиш учун аёл ва эркакда бирдек қатъият, кучли ирода бўлиши керак. Аёлларга маслаҳатим:
Шифокор сифатида фарзанд кўриш муаммоси билан юзма-юз турган эркакларга қандай маслаҳат берасиз?
— Аввало руҳиятингизни чўктирманг. Хоҳиш ва ирода бўлса, ҳамма нарсанинг иложи бор. Тўйдан кейин бир йил ўтгач фарзанд бўлмаса, дарров аёлингиз ёки ўзингиздан айб қидирманг. Яхшиси, шубҳаларингизни четга суринг-да, шифокорга кўрининг. Фарзанд кўришнинг эрта-кечи бўлмайди. Шунчаки саломатликка эътибор қилинса бўлгани.
Дилдора ЮСУФБЕКОВА
06.08.2021, 17:47
CCВ Матбуот хизмати буйрак етишмовчилиги қандай хасталик экани ва уни бартараф этишда мамлакатимиз тиббиёти нималарга қодирлиги ҳақида Республика шошилинч тиббий ёрдам илмий маркази бўлим раҳбари,...24.11.2019, 10:51
Ғиждувонда Х.С. исмли фуқаро қўшхотинликда айбланиб судланди. Бу ҳақда Жиноят ишлари бўйича Ғиждувон туман суди раиси Бобораҳим Очилов маълум қилган.1966 йили Ғиждувон туманида туғилган фуқаро...26.12.2017, 13:12
— Уч яшар ўғлим овқат чайнаб ютаётганида қулоғини ушлаб, оғриётганини айтди. Шифокорга кўрсатсам, отит деб ташхис қўйди. Бу қандай касаллик? Уни уйда даволаса бўладими? Назира...26.12.2017, 13:08
— Эмизикли чақалоғим экссудатив диатез касаллиги билан оғриганди. Ҳозир соғайган бўлса-да, айрим таомларни истеъмол қилганимда унинг баданида қизғиш доғлар пайдо бўлади. Гўдакда диатез қайталамаслиги учун...