Бугун, 26 декабрь куни Андижон вилоятидаги хонадонларнинг бирида ёнғин чиқди. Бу ҳақда вилоят Фавқулодда вазиятлар бошқармаси хабар берди.
Қайд этилишича, соат 11:32 да Андижон шаҳар “Исломобод” МФЙ Мирпўстин кўчасида жойлашган фуқаро И.Т.нинг яшаш уйида ёнғин содир бўлаётгани ҳақида вилоят ФВБга хабар келиб тушган. Соат 11:37 да айтилган манзилга ёнғин-қутқарув экипажлари етиб борган ва соат 12:13 да содир бўлган ёнғин батамом ўчирилган.
Ёнғин оқибатида яшаш уйининг 120 м квадрат майдонида шифт том қисми ва уй-рўзғор буюмлари ёниб зарарланган.
“Ёнғин содир бўлиш омиллари ва моддий зарар аниқланмоқда”, дейилади хабарда.
