Ҳукумат Тошкент шаҳрининг 2045 йилгача бўлган бош режасини тасдиқлади. У аҳоли эҳтиёжлари, экологик зоналар ва маданий меросни муҳофаза қилишни ҳисобга олган ҳолда шаҳарни ривожлантиришни назарда тутади.
Бош режа соддалаштирилган форматда ишлаб чиқилган. Бу шаҳарни ривожлантириш стратегиясини, шунингдек, ҳудудлар учун умумий талабларни белгилайди ва бош режа асосида ички ҳудудларни мустақил равишда ривожлантиришга имкон беради.
Бош режада қўшимча 10 минг гектар яшил ҳудуд ташкил этиш ва шаҳар атрофида 15 минг гектар яшил белбоғ барпо этиш кўзда тутилган. Бу яшил ҳудудлар майдонини киши бошига 3 кв.м дан 8 кв.м гача ошириш имконини беради.
Бош режа билан қамраб олинган Тошкент шаҳрининг умумий майдони 43 873 гектарни ташкил этади. Аҳолининг прогноз қилинаётган ўсиши 3 миллиондан 7,4 миллионга етади.
