Президент бошчилигида ўтказилаётган йиғилишда текстиль саноатига аълоҳида тўхталиб ўтилди. Бу ҳақда давлат раҳбари матбуот котиби хабар берди.
Маълум қилинишича, бугунги кунда вилоят саноатининг учдан бири, экспортининг ярми тўқимачилик соҳасига тўғри келади.
Наманганлик текстилчилар бренд билан ишлаш бўйича республикада етакчи экани таъкидланган.
Инвестиция олиб келиш ва брендлар билан ҳамкорликни кенгайтириш учун бир ойда вилоятда алоҳида лойиҳа офиси очилади. Халқаро сертификат олган текстиль корхоналари 50 тага етказилади.
Мутасаддиларга йил якунигача Варшава ва Лондонда камида 1 минг квадрат метрли савдо уйларини ташкил қилиш топширилган.
Умуман, вилоятда бу йил тўқимачилик маҳсулотлари экспортини 500 миллион долларга етказиш, икки йилда 1 миллиард долларлик 25 та йирик лойиҳани ишга тушириш мумкинлиги қайд этилган.
