Жаҳон бокс ассоциациясида (WBA) америкалик чемпион Роландо Ромеро ўзбекистонлик Шаҳрам Ғиёсовга қарши чемпионлик камарини ҳимоя қилиши шартлигини расман эълон қилди.
Ташкилотнинг 14 октябрь куни берган баёнотига кўра, Ромеро камарни қўлга киритганидан кейин 120 кун ичида мажбурий жанг ўтказиши керак эди — бу муддат 1 сентябрда тугаган.
Ромеро ва Ғиёсовнинг промоутерларига музокаралар ўтказиш учун 30 кунлик муддат берилди — 13 октябрдан 13 ноябргача.
Агар томонлар бу вақт ичида келиша олмаса, жангни ташкил қилиш ҳуқуқи очиқ аукцион орқали аниқланади.
Ромеро профессионал рингда 19 марта жанг ўтказган, 17 та ғалабага (13 та нокаут) эришган, 2 бор мағлуб бўлган.
Шаҳрам Ғиёсов эса 17 та жангнинг барчасида ғалаба қозонган (10 та нокаут) ва ҳали мағлубиятга учрамаган.
У охирги жангини 2025 йил 13 апрель куни аргентиналик Франко Окампога қарши ўтказиб, 4-раундда нокаут билан ғалаба қозонганди.
