Қироллик ҳарбий-ҳаво кучларининг "Тайфун" самолётлари Суриядаги "Ислом давлати" гуруҳи томонидан фойдаланилаётган ер ости қурол-яроғ омборига қўшма зарба беришда француз самолётларига қўшилди, дея хабар бермоқда Буюк Британия Мудофаа вазирлиги.
Разведканинг "эҳтиёткорона" таҳлили расмийларни обект қурол-яроғ ва портловчи моддалар сақланаётганига ишонтирди, дейилади баёнотда ва у Сурия марказидаги қадимий Палмира шаҳридан шимолдаги тоғларда жойлашган.
"Бизнинг самолётларимиз Павеwай ИВ бошқариладиган бомбаларидан обектгача бўлган бир қатор кириш туннелларини нишонга олиш учун фойдаланган... дастлабки кўрсаткичлар нишон муваффақиятли ўққа тутилган," - дейилади вазирлик хабарида.
Шанба куни кечқурун зарба натижасида тинч аҳолига ҳеч қандай зарар етказилмаган ва барча самолётлар эсон-омон қайтиб келган, дея қўшимча қилди вазирлик.
