Аргентинанинг Неукен вилоятида жойлашган Кутраль-Ко шаҳрида футбол юлдузи Лионель Месси шарафига 26 метр баландликдаги ҳайкал очилди. У футболчига бағишланган дунёдаги энг баланд ёдгорлик сифатида эътироф этилмоқда.
Ҳайкал ҳайкалтарош Альдо Бероиса томонидан 70 тонна пўлатдан ясалган. Унда Месси Жаҳон кубогини боши узра кўтарган ҳолда тасвирланган.
Ёдгорликнинг тантанали очилиш маросими 16 июнь куни бўлиб ўтди. Ушбу сана Мессининг 2026 йилги Жаҳон чемпионатида хет-трик қайд этган кунига тўғри келгани билан ҳам рамзий аҳамият касб этди.
Маҳаллий ҳокимият вакиллари мазкур иншоот ҳудудга сайёҳлар оқимини ошириш ва Кутраль-Ко шаҳрининг янги диққатга сазовор масканларидан бирига айланишига хизмат қилишини кутмоқда.
Шу билан бирга, ҳайкалнинг айрим ракурслардан кўриниши ижтимоий тармоқ фойдаланувчилари ўртасида қизғин муҳокамаларга ҳам сабаб бўлди.
