INSA институти ўтказган сўровга кўра, респондентларнинг 47 фоизи АҚШ Гренландияни куч ишлатиб эгаллаган тақдирда Германия АҚШда ўтадиган Жаҳон чемпионатини бойкот қилиши керак, деб ҳисоблаган.
35 фоиз иштирокчи бунга қарши эканини билдирган, 18 фоизи эса аниқ позицияни танламаган.
Бундестагдаги CDU/CSU фракцияси вакили Юрген Хардт бундай ҳолатда турнирни бойкот қилиш масаласини ҳаддан ташқари кескин чора сифатида баҳолаган. Маълумот учун, 2026 йилги Жаҳон чемпионати АҚШ, Мексика ва Канада мезбонлигида ўтказилади.
