16 февраль куни соат 21:18 да Қўқон шаҳри “Муқимий” кўчасида жойлашган кўп қаватли уйда ёнғин содир бўлаётгани ҳақида “112” тизими орқали Фарғона вилояти Фавқулодда вазиятлар бошқармасига хабар келиб тушган.
Ёнғин-қутқарув экипажлари ҳодиса жойига соат 21:23 да етиб бориб, 21:25 да ёнғинни қуршаб олган ва 21:32 да тўлиқ бартараф этган.
Дастлабки маълумотларга кўра, ёнғин газ-ҳаво аралашмасининг чақнаши оқибатида келиб чиққан. Натижада 28-уйнинг 50 квадрат метр майдонида том ва шифт қисми ҳамда уй жиҳозлари ёниб зарарланган.
Чақнаш оқибатида 4 нафар фуқаро турли даражадаги куйиш тан жароҳати билан шаҳар тиббиёт бирлашмасига ётқизилган. Кўрсатилган тиббий ёрдамга қарамай, уларнинг бир нафари вафот этган.
Ҳозирда ҳодиса сабаблари аниқланмоқда.
