16 fevral kuni soat 21:18 da Qo‘qon shahri “Muqimiy” ko‘chasida joylashgan ko‘p qavatli uyda yong‘in sodir bo‘layotgani haqida “112” tizimi orqali Farg‘ona viloyati Favqulodda vaziyatlar boshqarmasiga xabar kelib tushgan.
Yong‘in-qutqaruv ekipajlari hodisa joyiga soat 21:23 da yetib borib, 21:25 da yong‘inni qurshab olgan va 21:32 da to‘liq bartaraf etgan.
Dastlabki ma’lumotlarga ko‘ra, yong‘in gaz-havo aralashmasining chaqnashi oqibatida kelib chiqqan. Natijada 28-uyning 50 kvadrat metr maydonida tom va shift qismi hamda uy jihozlari yonib zararlangan.
Chaqnash oqibatida 4 nafar fuqaro turli darajadagi kuyish tan jarohati bilan shahar tibbiyot birlashmasiga yotqizilgan. Ko‘rsatilgan tibbiy yordamga qaramay, ularning bir nafari vafot etgan.
Hozirda hodisa sabablari aniqdanmoqda.
