Сунъий интеллект 70 мингдан ортиқ ходимни ишсиз қолдирди. Block раҳбари қисқартиришлардан сўнг акциялар 20 фоизга ошганини айтди.
Дунёнинг йирик технология компаниялари алгоритмлар ёрдамида жараёнларни оптималлаштириб, оммавий ишдан бўшатишларни бошлади. Жорий йилнинг дастлабки тўрт ойидаёқ 70 мингдан ортиқ одам ишидан айрилди.
Энг катта қисқартиришлар "Oracle" (30 минг) ва "Amazon" (16 минг)да кузатилди. Шунингдек, "Microsoft", "Meta" ва бошқа компаниялар ҳам минглаб ходимларни қисқартирди.
Компаниялар энди бу ҳолатни очиқ тан олмоқда: сунъий интеллект туфайли камроқ ходим билан ишлаш мумкин. Тежалган маблағлар эса янги технологиялар ва дата-марказларга йўналтирилмоқда.
