Тайванда талаба тўрт кун ва уч кеча давомида узлуксиз компьютер ўйинларини ўйнаганидан кейин соғлиғи ёмонлашиб, вафот этди. Бу ҳақда “Oddity Central” нашри хабар берди.
Маълум қилинишича, тўртинчи куни талаба ҳожатхонага бормоқчи бўлганида кескин оғриқдан қичқириб юборган ва ҳушини йўқотган ҳолда ерга йиқилган. Текширувлар давомида унинг мия артерияси ёрилиб, катта миқдорда қон кетиши юз бергани аниқланган.
Шифокорлар зудлик билан жарроҳлик амалиёти ўтказган. Талаба сунъий нафас олдириш аппаратига уланган ва қон босимини барқарорлаштириш учун дорилар берилган. Бироқ кўрилган чораларга қарамай, у бир неча ойдан сўнг вафот этган.
Мутахассислар узоқ вақт танаффуссиз компьютер ўйинлари ўйнаш саломатлик учун жиддий хавф туғдириши, ҳатто инсон ҳаётига таҳдид солиши мумкинлигини таъкидламоқда.
