Тадқиқотга кўра, “Little Foot” деб аталган ушбу қолдиқ тахминан 3,7 миллион йил олдин яшаган. У 1980 йилда Жанубий Африкадаги ғордан топилган.
Илк бор фақат кичик оёқ суяклари аниқлангани учун топилма “Кичик оёқ” деб номланган, кейинчалик эса ғор деворига ёпишиб қолган деярли бутун скелет топилган. Уни тошдан ажратиб олиш учун олимларга қарийб 15 йил керак бўлган.
Франциядаги Poitiers университети олимлари палеоантрополог Амелие Бодет бошчилигида компьютер моделлаштириш усули орқали бош суягини тиклаб, унинг эҳтимолий юз кўринишини яратган.
Топилма Australopithecus гуруҳига мансуб экани аниқланган, аммо унинг қайси турга тегишли экани ҳозирча аниқланмаган.
