Фарғона вилоятида ДХХ ходимлари гиёҳвандлик воситаларининг ноқонуний савдосини фош қилди. Тадбир давомида Марғилон шаҳрида истиқомат қилувчи 1983 ва 1989 йилларда туғилган икки шахс 9,9 кг “гашиш” моддасини олган пайтда ушланди. Улардан 14,5 минг АҚШ доллари ва 6,25 млн сўм ҳам мусодара қилинди.
Шунингдек, 1980 йилда туғилган фуқаронинг уйидан 110 гр “опий”, электрон тарозилар ва 28 млн сўм олинган. Тергов давомида 1990 ва 1995 йилда туғилган ака-укаларнинг ҳам жиноятга алоқадорлиги аниқланди.
Боғдод туман суди барча 5 нафар судланувчини айбдор деб топиб, уларга 12 йилдан 15 йилгача озодликдан маҳрум қилиш жазосини тайинлади. Қонунбузарлар панжара ортида мулоҳаза қилиш ва хатоларини тушуниш имконига эга бўлди.
