Унда тадбиркор ўзга 2024 йилда ажратилган 1,5 гектар ер бошқа МЧЖга бериб юборилганини, айнан шу корхона эса ҳудудга спорт билан шуғулланган шахсларни юборганини айтган. Шунингдек, у мазкур муаммони ҳал этишда ёрдам сўраган.
Вилоят Ички ишлар бош бошқармаси ҳолат юзасидан муносабат билдирди. Қайд этилишича, воқеа ҳудудий ички ишлар органлари томонидан тўлиқ назоратга олинган ва жанжал иштирокчиларининг барчаси аниқланган. Ҳодиса давомида ҳеч кимга тан жароҳати етказилмаган.
Ҳозирда кўчмас мулкка оид ҳужжатларга аниқлик киритиш зарурати билан суриштирув ишлари олиб борилмоқда. Видеода акс этган жанжал иштирокчиларига нисбатан тегишли тартибда ҳужжатлар расмийлаштирилиб, қонуний қарор қабул қилиш учун судга юбориш чоралари кўрилган.
Қонун устуворлиги тўлиқ таъминланиши ва жамоатчиликка қўшимча ахборот тақдим этилиши маълум қилинди.
