Бу ҳақдаги маълумотни Астана шаҳри Полиция департаменти тасдиқлади. Аввалроқ ижтимоий тармоқларда Астанадаги стоматологик клиникалардан бирида ёш йигит вафот этгани ҳақида хабар тарқалган эди.
Хабарда айтилишича, 2005 йилда туғилган йигит тишини даволатиш учун стоматологияга келган ва соғлиғидан шикоят қилмаган. Стоматолог беморга аллергия синовисиз дори юборган. Уколдан кейин Мурат исмли болада тиришишлар бошланиб, аҳволи кескин ёмонлашган. Шунга қарамай, унга дори яна бир бор юборилган. Шундан сўнг бола вафот этган.
Шунингдек, инъекцияни аллергия синовисиз амалиётчи (практикант) қилгани, стоматолог эса вазиятни лозим даражада назорат қилмагани айтилмоқда. Ёнида 1993 йилда туғилган ҳамшира ҳам бўлган.
Ҳозирда Астана шаҳри Полиция департаменти томонидан мазкур ҳолат юзасидан судгача тергов ишлари олиб борилмоқда.
