2026 йил апрель ойида мамлакатга умумий қиймати 57 миллион долларлик 11,2 минг тонна мол гўшти импорт қилинди. Таqqослаш учун, март ойида чет элдан 61 миллион долларга 12,7 минг тонна, февралда эса 67,4 миллион долларга 14,4 минг тонна мол гўшти олиб кирилган.
Маълум бўлишича, импорт ҳажми март ойида 1,7 минг тоннага камайган бўлса, апрель ойида яна 1,5 минг тоннага қисқарган.
Қўй ва товуқ гўшти импорти ҳам камайди
Ўтган ойда мамлакатга жами қиймати 8,6 миллион долларлик 2,85 минг тонна қўй гўшти импорт қилинди. Март ойида эса бу кўрсаткич 3,1 минг тонна (9,66 миллион доллар) бўлган.
Апрель ойида хориждан 6,3 миллион долларга 5 минг тоннадан ортиқ товуқ гўшти олиб кирилди. Март ойида эса 7 миллион долларлик 6,4 минг тонна товуқ гўшти импорт қилинган.
Гўшт нархи ўсишда давом этмоқда
Статистика қўмитаси маълумотига кўра, 2026 йил апрель ойида Ўзбекистонда суякли мол гўшти нархи бир ойда 3,2 фоизга ошган. Сўнгги бир йилда эса бу кўрсаткич 16,6 фоизга кўтарилган.
Суяксиз мол гўшти нархи бир ойда 3,2 фоизга, йиллик ҳисобда эса 17,3 фоизга ўсган. Қўй гўшти апрель ойида 3,7 фоизга, 2025 йил апрелига нисбатан эса 20,3 фоизга қимматлашган.
