Хотиржамликни сақланг
Қаттиқ ҳаяжон (стресс) — қоринга ёғ йиғилишининг биринчи сабаби. Кучли ҳаяжон, яъни стресс ҳолатлари қоринни йўқ қилишига сабабчи бўладиган, “кортизол”, “гормон” миқдорини оширади. Тангликдан қутулиш учун қуйидаги машқ сизга асқотади: қулай ва тинч жойга ўтириб олинг. Енгил ҳамда секинлик билан нафас олиб, ичингизни ҳавога тўлдиринг. Бу усул онгингизни равшанлаштиради. Чуқур нафас олишни тўхтатмасдан, ҳар нафас чиқарганингизда “бир” сўзини қайтаришга диққатингизни жамланг. Агар бирор нимага чалғисангиз, ҳечқиси йўқ. Яна бир бор машқни қайтаришга урининг. Ушбу усулни бир кунда икки маротаба 5-10 дақиқа давомида қайтаришни унутманг.
Клетчаткали маҳсулотларни кўпроқ истеъмол қилинг
Бундай маҳсулотларни тановвул қилиш вазнингизни камайтиришга ёрдам беради. Клетчатка ошқозонни тўлдиради ва шунинг учун ҳам очликни сезмайсиз. Шунингдек, ич қотиши, қоринга ҳаво тўлиши ҳақида қайғурмасангиз ҳам бўлади. Ҳар куни 25 г дан то 37 г гача донли маҳсулотлардан тайёрланган таомларни, қолаверса, мева-сабзавотлар ёки қўшимча озиқ-овқатларни тановвул қилиш лозим.
Сув ичишни канда қилманг
Ҳайздан олдин жуда кўп миқдорда сув ичинг. Бу қорин шишишининг олдини олиб, организмингиз фаолиятига салбий таъсир кўрсатмайди.
Суяклар ҳақида ҳам унутманг
Остеопороз – суякларингизга шикаст етказадиган касаллик. Умртқа поғонасининг нимжон суяклари вазнни ушлаб тура олмайди. Бу эса вақт ўтиши билан елка чиқиб, қоматни букчайиб қолишига олиб келади. Нью-Йорк тиббиёт маркази физиотерапевти, шифокор Вилибалд Наглернинг айтишича, букчайган қомат қорин бўшлиғига жой қолдирмайди. Натижада, қорин дўппайиб чиқиб қолар экан. Агар 50 ёки ундан каттароқ ёшда бўлсангиз, ҳар куни 1200 мг кальцийли таом истеъмол қилишингиз керак. Борди-ю ёшингиз 50 ёшдан паст бўлса, ҳар куни 1000 мг кальций қабул қилишингизнинг ўзи етарли.
Аэробика машқлари
Токи қорин мушакларингиз ёғ қаватлари билан қопланган экан, бу ҳолатда ҳеч қандай машқ қорнингизни йўқота олмайди. Энг яхши усул эса — ҳафтасига беш марта 45-60 дақиқа аэробика билан шуғулланиш. Биргина мисол, Барбара Тейлор ҳафтасига беш маротаба югуриш, тинмай юриш, бир соатдан кам бўлмаган вақтда зинапоядан юқорига кўтарилиш орқали қорин мушакларини очди. Шунингдек, 30 кг га озишга муваффақ бўлди.
Қорнингизни ичингизга тортинг
Нохушликни сезмаслик учун қорнингизни максимал даражада ичингизга тортинг. Бу усулни қорнингиз ёдингизга тушганда, тез-тез такрорлаб туринг. Вақт ўтиши билан ушбу машқ худди нафас олишдек, доимий одатингизга айланиб қолади. Натижаси эса сизни ҳайратда қолдиради.
Ортиқча вазндан халос бўламиз
Ҳафтасига икки-уч маротаба жисмоний машқларни бажаришни олдингизга мақсад қилиб қўйинг. Бу усул орқали қорнингиз аввалгидан анча яхшиланганини сезасиз. Қорин мушаклари ҳам ўз ҳолига қайтади.
Қорин мушаклари
Жисмоний машқларни тик турган ҳолатда бажарганингиз маъқул. Шунда қорин мушакларининг ҳам ишлашига имкон яратган бўласиз. Бу эса баданингизни белгиланган вазнда ушлаб туришга ва уни мустаҳкамлашга ёрдам беради. Ўзингизга бўлган назоратни асло сусайтирманг. Гавдангизни доим тўғри тутишингиз, қорин мушаклари эса тортилган бўлиши керак. Аммо бу ҳолатда нафас олишни тўхтатиб қўйманг.
