Бугун, 15 ноябрь куни Қатарнинг Доҳа шаҳрида 17 ёшгача бўлган футболчилар ўртасида бўлиб ўтаётган жаҳон чемпионатида Исломбек Исмоилов бошчилигидаги Ўзбекистон U-17 терма жамоаси жаҳон чемпионати 1/16 финал босқичида Хорватияга қарши баҳс олиб борди.
Ўзбекистон ва Хорватия терма жамоалари ўртасидаги учрашувнинг асосий дақиқасида 1:1 ҳисоби қайд этилди.
Пенальтилар сериясида Исломбек Исмоилов шогирдлари Хорватияни 4:3 ҳисобида мағлубиятга учратди ва мундиалнинг 1/8 финал босқичига йўлланмани қўлга киритди.
Ушбу учрашувнинг асосий дақиқаларида киритилган голларга Садриддин Ҳасанов ва Тино Кусанович муаллифлик қилишди.
18 ноябрь куни Ўзбекистон терма жамоаси мундиалнинг 1/8 финал босқичида Италия терма жамоасига қарши баҳс олиб боришади.
