​Март ойида Тошкентда йўл ҳаракати хавфсизлиги ходимлари томонидан 90 минг қоидабузарлик аниқланди

Йўл ҳаракати хавфсизлиги қоидаларини бузиш ҳолатларини олдини олиш мақсадида олиб борилган тадбирлар натижасида йўл ҳаракати хавфсизлиги ходимлари томонидан март ойида 89704 та, ҳафта давомида 21900 та қоидабузарлик аниқланган.

Бу ҳақда куни кеча Тошкент шаҳар ИИББ томонидан ўтказилган матбуот брифингда маълумот берилди.

Шунингдек, чорраҳаларга ўрнатилган 883 та кузатув камералари ёрдамида 15 мартдан 6 апрель кунига қадар 51000 дан зиёд қоидабузарлик аниқланган. Шундан 30 мингдан зиёди светофорнинг қизил чироғидан ҳаракатланиш ва 21 мингдан зиёди тезликни белгиланган меъёридан ошириш қоидабузарликларни ташкил этган.

Ҳафта давомида эса жами 6371 та қоидабузарлик аниқланган.

Камералар ишга тушгандан буён 15 мартдан 6 апрелга қадар ЙТҲ билан боғлиқ жиноятлар содир этилиши ўтган йилнинг шу даврига нисбатан 31%, тан жароҳати 25%га камайган.