Биз ҳаммамиз деярли бир хилмиз, ўзимизни ноёб инсон деб ҳисоблаймиз.
Ростдан ҳам инсон шахсияти такрорланмас, лекин психологияда ҳар бир инсон учун керакли ва фойдали бўлган янги қоидалар пайдо бўлаверади. Қуйида одамлар билан муносабатни енгиллаштирадиган қоидалар билан танишишингиз мумкин. Одамларга ёқиш-ёқмаслигингизни билиш учун бирор сўзни танланг. Суҳбатдошингиз гапираётиб шу сўзни ёки синонимини ишлатганида бош қимирлатиб маъқуллаб, жилмайиб туринг. Агар сиз унга ёқсангиз, у бу сўзни тез-тез қўллаётганига гувоҳ бўласиз.
1. Агар сизни жиддий қабул қилишларини хоҳласангиз, отангиз шуни хоҳлашини таъкидланг. Одамлар ота-оналарнинг маслаҳатига сўзсиз қулоқ солишга мойил бўлишади.
2. “Тош, қайчи, қоғоз” ўйинида ҳар доим ғалаба қозонишни истасангиз, ўйин бошланиши олдидан рақибингизга хоҳлаган саволингизни беринг. Кўп ҳолларда саросимага тушган ўйинчилар “қайчи”ни танлаб қўйишади.
3. Агар суҳбатдошингиз сизни тасдиқлашини истасангиз, савол бергандан сўнг бош қимирлатишни унутманг. Маъқуллаб бош силкитишингиз айтаётганларингиз ҳаммаси ҳақиқатлигига уни ишонтиради. Бундан ташқари, ижтимоий кузатувларга кўра, одамлар бош силкитиб жавоб қайтаришга мойил.
4. Эрталабки соат 8 да метрода одамлар бўлмаслигини орзу қилганмисиз? Сиз одамлар оқимига эмас, ўзингиз кетадиган йўналишга қаранг. Олдингиздаги оломон иккига ажралиб сизга йўл берганига ҳайрон бўласиз. Бунинг сири оддий: оломон лиқ тўла жойда атрофдагилар пиёданинг кўзига қараб йўналишни аниқлашга ва туртиниб кетмасликка ҳаракат қилади.
5. Агар хаёлингизда бир қўшиқ сатрлари тинмай айланиб қолган бўлса ва сиз ундан қутулмоқчи бўлсангиз, қўшиқ охирини эсланг. Бизнинг онгимиз тугалланмаган нарсаларни тез эслаб қолади, шунинг учун қўшиқ охирини эсласангиз, у ўз-ўзидан йўқолади.
6. Фарзандларингиз апельсин ейишини истайсизми? Улардан ейсанми-йўқми деб эмас, нечта ейсан: 5 тами, 3 тами, деб сўранг. Шундай усул билан сиз улар учун апельсинни танлаб бўлдингиз, бола эса қарорни ўзи чиқарган, деб ҳис қилади. Бу усулни бошқа вазиятларда ҳам қўлласангиз бўлади.
7. Агар сизни кимдир зимдан кузатаётганини сезсангиз, эснаганча, атрофингиздагиларга билдирмай кўз ташланг. Агар кимга эсноқ юқса, аниқ билингки, у сизни кузатяпти.
8. Танишингиз сизга қўлингиздаги юкни кўтариши мумкин, қачонки, унга нарсани узата туриб, суҳбатлашишни давом эттирсангиз. Кўпчилик бу ҳийлани англамайди ва қўлингиздаги нарсани олади.
9. Агар қўл узатиб кўришишга тўғри келса, қўлингиз илиқ эканига ишонинг. Иссиқ қўллар одамларда дўстона ва ёқимли, совуқ қўллар эса ёқтирмаслик ва бехосдан сесканиш каби ҳисларни уйғотади.
10. Суҳбатдошингиз айтганини бир оз ўзгартириб, такрорланг. У ўзини эшитишаётганини ва тушунишаётганини англайди. Лекин чегарадан чиқиб кетманг.
11. Агар сизга ёрдам беришларини истасангиз, гапингизни “Сизнинг ёрдамингиз керак”, деган сўзлар билан бошланг. Кўпчилик ўзини айбдор ҳис қилишни хуш кўрмайди, шунинг учун сизни рад эта олишмайди.
12. Агар кимдир сизни ёқтирмаётган бўлса, ундан қалам сўраб кўринг. Бир томондан одам ўзи ёқтирмайдиган инсонига ёрдам беришни хоҳламайди, иккинчи томондан эса, бу жуда арзимас илтимос, уни рад этиб бўлмайди. Бу усул билан қаршингиздаги инсон сиздан у даражада нафратланмаслигига ўзингизни ишонтирасиз.
Маслаҳатларимиз ёқдими? Уларни ҳаётингизда қўллаб, синаб кўринг.
МОҲИТОБОН тайёрлади
