2017 йилнинг 27 апрель куни, номаълум шахслар, Сергели тумани ҳудудида жойлашган “Қум-Ариқ Метан” ёқилғи қуйиш шаҳобчаси олдида, фуқаро “Д”га тегишли “Кобальт” русумли автомашинаси салонидан 22.000.000 сўм нақд пулларни талончилик йўли билан эгаллаб, давлат рақами белгиси бўлмаган “Нексия-2” русумли автомашинасида ҳодиса жойидан яширинганлар.
Мазкур ҳолат юзасидан Сергели тумани ИИБ ҳузуридаги Тергов бўлими томонидан ЖКнинг 166-моддаси (талончилик) билан жиноят иши қўзғатилган эди.
Олиб борилган тергов-тезкор тадбирлар жараёнида, мазкур жиноятни муқаддам судланганлар Акмал Расулов, Дилмурод Зияев ва Бехзодбек Низамитдиновлар содир этганликлари аниқланиб, қўлга олиндилар.
Мазкур жиноий гуруҳ аъзоларига нисбатан қамоққа олиш тарзидаги эҳтиёт чораси қўлланилган.
