Тошкент шаҳрининг Чилонзор туманида номаълум шахс томонидан амалга оширилган ўғирлик жинояти аниқланди.
Тошкент шаҳар ИИББ хабар берилишича, номаълум шахс томонидан асли қашқадарёлик бўлган, ҳозирда вақтинча Чилонзор туманида яшовчи, 1982 йилда туғилган Б.Мнинг уйига эшик қулфини калит танлаш йўли орқали очиб кириб, у ердан умумий қиймати 17.000.000 сўмлик 7 турдаги сариқ металлдан ясалган заргарлик буюмлари ва шу хонадонда меҳмонда бўлган Навоий вилояти Қизилтепа туманида яшовчи, хусусий тадбиркор, 1988 йилда туғилган М.Лга тегишли ичида 2.000.000 сўм пули ва 11.000 АҚШ доллари бўлган сумкасини ўғирлаб кетган.
Ички ишлар органларининг тезкор кўрган чоралари натижасида ушбу жиноятни Тошкент шаҳрида яшовчи икки нафар аёл 1973 йилда туғилган А.Б ва 1974 йилда туғилган Н.А содир этганлиги аниқланиб ушланган.
Уларга нисбатан Ўзбекистон Республикаси Жиноят Кодексининг 169-моддаси 2-қисми билан жиноят иши қўзғатилган. Тергов ҳаракатлари давом эттирилмоқда,Ўзбекистон Республикаси ИИВ матбуот хизмати
