​Қориндаги ортиқча ёғлардан спортсиз xалос бўлиш мумкинми?

СУҒДИЁНА 11.07.2017, 16:33
Теглар: Озиш, Саломатлик, Аёл, Гўзаллик
​Қориндаги ортиқча ёғлардан спортсиз xалос бўлиш мумкинми?

Қорин соҳасидаги ортиқча ёғлардан азият чекувчи аёл борки барчаси билади: ҳипчабел бўлиш учун кам еб, кўп ҳаракат қилиш керак! Аммо бу қоидага амал қилиш унчалик ҳам осон эмас-да. «Кўп ҳаракат қил ва кам е» қоидаси шак-шубҳасиз самара беради, айниқса, ёшларга. Бироқ ўрта ёшли хонимларга-чи? Уй, иш, маиший муаммолар спорт билан шуғулланишга вақт ҳам, ҳафсала ҳам қолдирмайди. Шунинг учун бугун сизларга ўрта ёшлиларга мос озиш ва ортиқча ёғлардан xалос бўлиш йўлларини ўргатамиз.

Стрессга «Йўқ», уйқуга «Ҳа» деймиз!

Тадқиқотларда кўҳликкина аёллар стрессга, ҳис-ҳаяжонга берилувчан бўлишлари аниқланган. Яъни бундай аёлларнинг организмида қон таркибини ва моддалар алмашинувини ўзгартириб юборувчи стресс гормонлари кўп ишлаб чиқарилади. Натижада, асабийлашганда, ҳис-ҳаяжонга берилганда, алам устида таркибида шакар ва ёғ мўлу кўл бўлган ширинликларни қандай қилиб паққос туширганларини билмай қолишар экан. Агар белингиз ҳипчадай бўлишини истасангиз, бугунданоқ бу одатингизни унутинг. Яхшиси уни уйқу билан алмаштиринг. Бир кунда 8-9 соат уxлашга одатланинг, шунда асабларингиз жойида, кўнглингиз эса хотиржам бўлади.

Гормонал мувозанат ҳам муҳим

Вазнингиз ортаётганини сезишингиз билан эндокринолог шифокор қабулига ёзилинг. Ҳеч кимга сир эмаски, гормонлар фаолиятининг бузилиши вазн тўплашга олиб келади. Қалқонсимон без ва жинсий гормонларни текширтиринг.

«Кам енг ва кам ҳаракат қилинг»

Маслаҳатимизга ажабланманг, гап шундаки, «Кўп ҳаракат қилинг» ибораси остида фаол жисмоний машқлар, яъни: спорт мажмуасига ҳафатасига 4 марта бориш, югуриш ва аэробика машғулотлари ётади. Аммо бир нарсани ёдда тутинг, узоқ давом этган фаол жисмоний машқлар иштаҳангизни шунақаям очиб юборадики, сўнг қанча таом еб юборганингизни билмай қоласиз. Натижада, йўқотилган калория ўрнини осонгина қоплаганингиз камдай, семизликка ҳам замин яратасиз қўясиз. Мушакларингиз чиниқади, лекин қориндаги ёғлар ўз жойида қолиб кетаверади. Шундай экан ўзингизни машқлар билан қийнаманг, яёв кезиш режимига ўтинг, ўзингизни мажбурлаб, қийналиб эмас, сайрдан роҳатланган завқланган ҳолда бу ишни бажаринг. Масалан, кечки овқатдан сўнг сайрга чиқинг, ишга бораётганда ва қайтаётганда автобусдан бир бекат аввал тушинг-у, у ёғига пиёда уйингизга етиб олинг.

Қандай таомланиш керак, дейсизми?

Кам-кам ва тез-тез 5 маҳал таомланишга ўтиш вақти келди. Таомланиш режимингиз нонушта, иккинчи нонушта, тушлик, толмачой ва кечки овқатдан иборат бўлсин. Шу билан бирга овқат миқдори ҳам доимгидан камроқ бўлишига аҳамият Беринг. Айтайлик фақат шўрва, гўшт ва салат ёки гарнир ва сабзавотлар яхши таклиф. 3 хил таомдан иборат тушликни унутинг, шунчаки очлик ҳиссидан қутулиш учунгина таомланинг, қорин ва кўзни тўйдириш учун эмас.

Оқсилли маҳсулотларни кўпроқ истеъмол қилинг. Дастурхонингизда, албатта, балиқ, туxум, ёғсиз гўшт ва сут махсулотлари турсин. Улар қоринни тўқ тутади, тўқ қоринга эса ҳадеб иштаҳангизни очавермайди. Мева ва сабзавотларни ҳам мунтазам равишда тановвул қилишни унутманг.

Бекларни ҳам четлаб ўтмаймиз

Қорин муаммоси аёллардан кўпроқ эркакларда учрайди. Уларга юқоридаги маслаҳатларга қўшимча равишда кичик тавсиямиз бор: спиртли ичимликлар ичишни бутунлай ташланг. Ҳар қандай турдаги спиртли ичимликлар ёғ тўқималари эришига тўсқинлик қилади. Спиртли ичимликларда ҳам калория бўлишини билармидингиз? Танангиз маст қилувчи ичимликни қабул қилганда, ундаги спиртни организмдан чиқариб юбориш билан шуғулланади, калорияни йўқотиш билан эмас.

Xуллас, англагангиздек, мўжиза ўзидан ўзи юз бермайди. Спорт билан шуғулланмасангиз ҳам, барибир, нимадандир воз кечишингиз керак. Шундай экан, ҳаракатдан тўхтаманг. Ахир сиз хушбичим қомат ва соғлом кўринишга муносибсиз.

Шарҳлар

Аёлни қотилликка бошлаган рашк: Янгийўллик жувон бошқа аёлга уйланмоқчи бўлган шаръий никоҳидаги эрини ўлдириб қўйди...

23.08.2021, 16:08

Қишнинг қировли кунларидан эсон-омон чиқиб олган Комилжон ота кенжа фарзанди Муродни (исм-шарифлар ўзгартирилган) уйлаш мақсадида тўй тайёргарликларини бошлаб юборди. Узоқ изланишлардан сўнг қиз ҳам топилди. Бироқ унаштирув...
Буйрак хасталиклари кимларда кўпроқ учрайди? Шифокор жавоб берди

06.08.2021, 17:47

CCВ Матбуот хизмати буйрак етишмовчилиги қандай хасталик экани ва уни бартараф этишда мамлакатимиз тиббиёти нималарга қодирлиги ҳақида Республика шошилинч тиббий ёрдам илмий маркази бўлим раҳбари,...
Аёлнинг жони қирқта, аммо қисмати биттами? Ёхуд зўравонлик ва тазйиқ қурбонлари… (видео)

01.06.2021, 18:32

Сўнгги вақтларда ижтимоий тармоқларда хотин-қизларнинг таҳқирланиши, аёвсиз калтакланиш ҳолатлари акс этган хабар ва воқеалар ҳақидаги чиқишлар кескин ортиб кетди. Аммо бу каби вазиятлар кечагина содир...
Фарғонада 32 яшар аёл томорқасида кўкнори етиштираётгани аниқланди

13.05.2021, 22:34

Фарғона вилояти Марғилон шаҳрида 32 яшар аёл уйининг томорқасида кўкнори ўсимлиги етиштираётгани аниқланди, дея хабар бермоқда ИИВ матбуот хизмати.Қайд этилишича, 2021 йилнинг 5 май куни...
Об-ҳаво: Тошкент
Валюта курси
1