Sevimli

Жанубий Кореянинг Эрон ва Ўзбекистонга қарши таркиби маълум

СПОРТ 14.08.2017, 13:20
Теглар: Футбол
Жанубий Кореянинг Эрон ва Ўзбекистонга қарши таркиби маълум

Жанубий Корея терма жамоаси бош мураббийи Шин Тэ Йонг ЖЧ–2018 саралаш босқичидан ўрин олган сўнгги икки ўйин учун 26 футболчидан иборат таркибни эълон қилди.

Кореялик мутахассис жароҳатидан тўлиқ тикланганига қарамай “Тоттенхэм” аъзоси Сон Хён Мин ва “Суонси” ярим ҳимоячиси Ки Сон Ённи терма жамоага жалб қилди.

Дарвозабонлар: Ким Жин Хюн (“Серезо Осака”, Япония), Ким Сеунг Гю (“Виссел Кобе”, Япония), Чо Хюн Ву (“Тэгу”);

Ҳимоячилар: Ким Ки Хи (“Шанхай Шеньхуа”, Хитой), Ким Жу Юнг (“Хэбей Чайна”, Хитой), Ким Юнг Квон (“Гуанчжоу Эвергранд”, Хитой), Ким Мин Жэ (“Чонбук Моторс”), Ким Мин Ву (“Сувон Самсунг”), Ким Жин Су (“Чонбук Моторс”), Ко Ян Хан (“Сеул”), Чои Чул Сун (“Чонбук Моторс”);

Ярим ҳимоячилар: Ки Сон Ён (“Суонси”, Англия), Сон Хён Мин (“Тоттенхэм”, Англия), Ли Кун Хо (“Гангвон”), Ку Жа Чол (“Аугсбург”, Германия), Ём Ки Хун (“Сувон Самсунг”), Нам Таэ Хе (Ал-Духаил”, Қатар), Жанг Хюн Су (“Токио”, Япония), Ли Жэ Сунг (“Чонбук Моторс”), Жунг Ву Йонг (“Чонгкинг Лифан”, Хитой), Ким Бо Кюнг (“Кашива Рейсол”, Япония), Квонг Кюнг Вон (“Тианжин Куанжиан”), Квонг Чанг Хун (“Дижон”, Франция);

Ҳужумчилар: Ли Донг Гук (“Чонбук Моторс”), Ким Шин Вук (“Чонбук Моторс”), Хванг Хи Чан (“Ред Булл Зальцбург”, Австрия).

Шин Тэ Йонг бўлажак ўйинлар олдидан яхши тайёргарлик кўрилаётганини ва барчадан, ҳатто майдонга тушмайдиган футболчилардан бор эътиборни қолган икки ўйинга қаратишни талаб қилаётганини айтди.

“Термага чақирилган 26 футболчининг барчаси саралаш босқичи якунига қадар бир бутун бўлади. Жанубий Корея термасининг тақдири қолган икки ўйинга боғлиқ. Ғалаба қозониш учун бор кучимизни ишга соламиз”, – деди Шин Тэ Йонг.

Жанубий Корея терма жамоаси бош мураббийи, шунингдек, жароҳати бор Сон Хён Мин ва Ки Сон Ён ҳақида ҳам тўхталиб ўтди.

“Ки Сон Ён ўйнай олмаса ҳам унга сардорлик боғичини бергим келяпти. Ки миллий термамиз учун муҳим аҳамиятга эга футболчилардан бири. Сон Хён Мин “Тоттенхэм” мағлулотларига қайтди. Уни терма ихтиёрига эрта чақира олмаймиз, унинг тиббий ҳолатини яна кўздан кечирамиз. Менинг фикримча, у саралаш босқичи ўйинлари учун етарлига тикланди”, – деди кореялик мутахассис.

Маълумот учун, Жанубий Корея терма жамоаси 31 август куни ўз майдонида Эронга қарши баҳс олиб борса, 5 сентябрь куни Тошкентда Ўзбекистон термаси билан куч синашади.

Шарҳлар

Италия футболи юлдузлари Тошкентга келади

07.05.2022, 09:03

Хабарингиз бор 17-18 май кунлари Тошкентда Италия ва Ўзбекистон футболи афсоналари учрашуви ўтказилиши режалаштирилган. Ўзбек футболининг 110 йиллигига бағишлаб ўтказилаётган ушбу ўйинда узоқ йиллар давомида...
“Локомотив” бош мураббийи Секейра: “Бу тизим билан Ўзбекистон МТЖ ҳеч қачон жаҳон чемпионатига бормайди”

23.10.2021, 22:16

Суперлиганинг 23-туридан ўрин олган "Қўқон-1912" - "Локомотив" (2:1) учрашувидан сўнг меҳмонлар бош мураббийи Микаэль Секейра фикрларини билдириб ўтди.Португалиялик мутахассис ўйиндан кейин ўзбек футболидаги тизимни кескин...
“Қайрат” жамоаси аъзолари жой олган самолёт ҳалокатга учради

22.10.2021, 14:47

Бортида Олмаотанинг “Қайрат” клуби футболчилари ва мураббийлар штаби бўлган самолёт ҳалокатга учради. Бу ҳақда Vesti.kz хабар бермоқда.Қайд этилишича, ушбу ҳодиса Олмаота халқаро аэропортида содир бўлган. FlyJet авиакомпаниясига...
“ПСЖ” Мбапппе учун қанча маош бериши очиқланди

15.10.2021, 11:47

Франциянинг “ПСЖ” клуби ҳужумчи Килиан Мбаппе билан янги шартнома имзолашдан умидвор.  АС хабар тарқатишича, парижликлар Мбаппега йилига 50 миллион евро маош беришга тайёр. Ўз навбатида...
Кун мавзуси: коронавирус
Об-ҳаво: Тошкент
+30.97° очиқ ҳаво
Валюта курси
10922.03
USD 17.74
11289.01
EUR 136.1
180.31
RUB 0
1