Андижон вилоятида ўтказилган профилактик тадбирлар давомида Асака шаҳрида бир гуруҳ шахслар “Оталар чойхонаси”ни қиморхонага айлантиргани аниқланди.
Асака туманида яшовчи, 1961 йилда туғилган Б.И., шу туманда жойлашган «Оталар чойхонаси»да 1990 йилда туғилган А.О., 1964 йилда туғилган А.А., 1965 йилда туғилган А.У., 1961 йилда туғилган С.Д. ва 1966 йилда туғилган Т.Г.ларга ўртага пул тикиб қимор ўйнашларига шароит яратиб берган.
Улардан ашёвий далил сифатида 4 дона ошиқ суяклари, 7 дона елим стакан, қиморга тикилган 800 минг сўмга яқин пуллар олинди.
Андижон вилояти ИИБ Матбуот хизматининг хабар беришича, ҳолат юзасидан тергов ҳаракатлари олиб борилмоқда.
