Қирғизистон пойтахти Бишкек шаҳрида аёллар терма жамоалари ўртасида “Уч миллат кубоги” халқаро ўртоқлик турнири ўз якунига етиб бормоқда.
Кеча, 18 август куни Қозоғистон ва Қирғизистон термалари ўзаро баҳс олиб бориб, 2:2 ҳисобида дуранг ўйнади. Бугун, 19 август куни эса Ўзбекистон аёллар термаси Қозоғистон билан куч синашиб, 6:0 ҳисобида ғалаба қозонди.
Мазкур ғалабадан кейин Ўзбекистон аёллар термаси муддатидан аввал мусобақа ғолибига айланди. Дастлабки турда Қозоғистонга қарши майдонга тушган Ўзбекистон аёллар термаси 7:0 ҳисобида зафар қучганди. Иккинчи турда эса мезбон Қирғизистон 3:1 ҳисобида таслим қилинган эди.
“Уч миллат кубоги”
Бишкек, Қирғизистон
19 август, шанба
Ўзбекистон – Қозоғистон 6:0
Голлар: Мавлуда Мунавварова (12), Нилуфар Қудратова (39), Диёра Ҳабибуллаева (43), Шаҳноза Қурбонова (60), Лианна Норбекова (77), Людмила Карачик (80)
Эртага, 20 август куни сўнгги ўйин бўлиб ўтади. Унда Ўзбекистон ва Қирғизистон аёллар терма жамоалари ўзаро куч синашади.
№ | Жамоа | Ў | Ғ | Д | М | О | ТН |
1 | Ўзбекистон | 3 | 3 | 0 | 0 | 9 | +15 |
2 | Қирғизистон | 3 | 1 | 1 | 1 | 4 | +1 |
3 | Қозоғистон | 4 | 0 | 1 | 3 | 1 | -16 |
