ЗАНЖАБИЛ ЁРДАМИДА ОЗИШНИНГ 9 УСУЛИ

1.Занжабилли чойни овқатланишдан ярим соат олдин ичинг. Шунда сиз камроқ овқатланасиз, иштаҳангиз карнай бўлмайди, ёғлар парчаланиб, ҳазм жараёни тезлашади.

2.Занжабилли чой ичишга қарор қилдингизми, биринчи кун 50 мл., иккинчи кун 100 мл., учинчи кун эса 150 мл.дан ичинг. Миқдорни кун сайин ошириб боринг.

3. Кунига 2 литрдан кўп занжабилли чой ичманг. Ухлашдан 3-4 олдин чой ичишни тўхтатинг.

4. Занжабилли чой нафақат оздиради, балки иммунитетни ошириб, бош оғриғини ҳам қолдиради.

5. Ҳомиладор, эмизикли аёлларга ва ошқозон-ичак хасталиклари безовта қилувчиларга мумкин эмас.

6. Ош қошиқ майдаланган занжабил илдизи ва 2 ош қошиқ майдаланган ялпизни 1,5 л. қайнатилган сувга солиб, 15 дақиқа қайнатинг. Оловдан олгач, бироз совутинг-да, 2 ош қошиқ асал ва 1 чой қошиқ қора мурч, 4 чой қошиқ лимон шарбати солиб аралаштиринг. Иссиқроқ ҳолида ичишингиз фойдали.

7. Қайнатилган 2 л. сувга 3 бўлак занжабил илдизи ва 2 бўлак саримсоқпиёзни майдалаб тўғраб солинг. Термосга солиб қўйиб, кун давомида ичинг.

8. 30 гр. занжабилни қирғичнинг майда томонидан ўтказиб, 250 мл. қайнатилган сувга солиб дамланг.

9. 2 та сабзи ва битта лавлагини қирғичдан ўтказинг, лимон ва апельсин қириндиси солинг. Майдаланган кашнич ва занжабил қўшиб, 2 ош қошиқ ўсимлик ёғи солинг. Бу салат ҳам озиш учун фойдали.