Қашқадарё вилояти ҳуқуқни муҳофаза қилувчи органлари ходимлари томонидан ўтказилган тезкор тадбирда янги туғилган чақалоқни 1000 АҚШ долларига сотаётган гинеколог жиноят устида қўлга олинган.
Жиноятчи М.Рўзиева «YOQUT SHIFO DAVO» шахсий клиникасида гинеколог сифатида фаолият юритган, деб хабар беради Ўзбекистон республикаси Бош прокуратураси.
Мазкур ҳолат юзасидан вилоят прокуратураси томонидан Ўзбекистон Республикаси ЖКнинг 135-моддаси 3-қисми «а» банди билан жиноят иши қўзғатилиб, М.Рўзиева жиноят ишлари бўйича Қарши шаҳар судининг ажримига асосан қамоққа олинди.
Айни дамда тергов ҳаракатлари давом этмоқда.
